أمرت نيابة حلوان بحبس تاجر فاكهة 4 أيام على ذمة التحقيق.
ترجع تفاصيل الواقعة عندما نشرت فتاة تدعى "منه جمال" على موقع التواصل الاجتماعي "فيسبوك" 3 مقاطع فيديو مصورة ترصد الواقعة.
لمشاهدة الفيديو:https://youtu.be/Ys1W_KNV4TE
وقالت: أنا النهاردة اترفع عليا مطوة بعد ما واحد اتحرش بيا!
الساعة دلوقتي 6:30 الصبح
رايحة شغلي، راكبة الكنبة اللي قبل الأخيرة وورايا واحد عمال يدخل صوابعه من الفتحة بين الكرسين.
اول مرة انا اتخضيت واتنفضت فا شال ايده بسرعة فقولت يمكن متهيألي عشان كنت نايمة شوية على نفسي.
بس صحيت وفضلت ومنتبهة والكنبة اللي ورا كلها فاضية وهو زانق نفسه ورايا بالظبط عشان يدخل ايده.
لما كررها تاني واتأكدت وفضلت ازعق فضل يشتم ويقولي ان الكرسيين اللي قدامه مضييقين عليه مع انه ممكن يقعد في اول الكنبة ومش هيبقى فيه أي كراسي قدامه والمكان هيبقى واسع اصلا الكنبة بتشيل 3 أفراد وهو سايب الوسع وقاعد في اضيق مكان عشان يتحرش.
للأمانة السواق في الأول نزل وقاله انزل برا العربية ومتقعدش في عربيتي وهو مرضيش ينزل.
فجأة قرر يطلع أداة أكبر من المطوة وقرر يفتحها هتشوفوا ده في آخر كام ثانية من أول ڤيديو، انا ساعتها قفلت الكاميرا عشان هو لو شافني بصور معرفش ممكن يعمل فيا ايه وهو ماسك في إيده سلاح زي ده ابيض بس هو رفعها على السواق وقاله هدبحك لو متحركتش دلوقتي.
تاني ڤيديو بيوضح ده بعد ما قفل المطوة وقعدوه ع الكرسي والناس هدوه لأنه كان بيهددني انا والسواق انه هيدبحنا.
الناس اتلمت وزي ما انتوا شايفين في آخر ڤيديو الناس نزلوني أنا من الميكروباص عشان هو ماسك المطوة وقاله لو مطلعتش هدبحك وطبعًا كانوا شوية وهيبوسوا دماغه وايديه ورجليه عشان يقفل المطوة وفعلًا قفلها وقعد في نص العربية يتشرط ويقول السواق ده مش هيشتغل ع الخط تاني وانه لو شافني تاني هيعمل وهيسوس.
وقالهم في الاخر بكل بجاحة اني واحدة شر**و**ة عشان لو كنت محترمة كنت سكتت لحد ما وصلت.
انا مرعوبة وعمر ما حد رفع عليا سلاح وهددني التهديدات دي وشتمني الشتايم دي!!!!
انا عايزة حقي ارجوكم شيروا البوست ده عشان حقي مش هييجي غير بكده.
تعليقات
إرسال تعليق